الجنواز

الجنوار فيه:5 بيضات، 250 غ سكر طربتهم حتى تضاعف الحجم ديال هم ولاو بحال كريم زدت عليهم كأس فورص رطب وخمارة حلوى وفاني بصح تنحركو غير بشوية من لتحت لفوق ونكبو هادشي بشوية ونخلطوه حتى نحصل على عجينة جارية ونزيدو تقريبا وحد 4 معالق كبار ديال كاوبيل ونخلطوه لبنات خصو يكون جاري شوية ونديرو papier glacé من الأفضل ندهنوه بالزبدة ونكبوه فيه وندخلهم لفران 10 دقايق ونخرجوه فنفش الوقت نكونو موجودين papier glacé تاني ومدردرين عليه سكر كلاصي ونقلبوه فيه مباشرة وهو سخون وندردرو سكر كلاصي من الوجه التاني ونروليوه وهو سخون باش ياخد لفورما ديال رولي وندخلوه لثلاجة وفاش يبرد نحلوه ونديرو فيه لكريم فريش ونحكو الشكلاط وحتى لفواكه يلا بغيتو حسب دوقكم انا درت طراف المشماش ونوليو نروليوه ونزوقوه بالكريم فريش لي بقى لينا والشكلاط فرمسيل وبصحة والراحة