تحضير ميريندينا بالبيت

مقادير

4 بيضات

كأس زيت

كأس سنيدة

نص كأس عصير الحامض

كأس حليب

1 فاني

3 خمارات

3 كؤوس من الدقيق.

3 معالق كبار كاكاو + 3 معالق سنيدة .

شكلاط مدوب مع الزيت في حمام مريم ويكون جاري لتغليف الميريندينا .



طريقة التحضير

 نخدمو البيض شوية بالطراب ونزيدو سنيدة ونستمر في الخلط، نزيدو المقادير الأخرى ماعدا الكاكاو و3 معالق سنيدة، ثم نقسم الخليط على 2 ويكون متساوي، ناخدو لاطة مربعة بقياس 32/25

ونصبو فيها القسم الاول من الخليط وندخلوها للفرن معتدل الحرارة من التحت حتى يتحمر الوجه، ثم نطلعوها الفوق 4 دقائق تقريبا ثم نخرجوها، ونضيف خليط الكاكاو وسنيدة، ونرشو عليها بواسطة صفاية باش يتوزع مزيان، تم نصبو من فوقها القسم التاني من الخليط المتبقي، وبلا مانجرو بالمعلقة باش مايتخلطش بالكاكاو، ونرجعوها للفرن في الأسفل حتى تتحمر، نخليوها تبرد ونقطعوها بحسب حجم الميرندينا و نسوسوه من الفتات ديال الجناب، بواسطة فرشاة باش مايخسرو لينا شكلاط ملي نغطسوها، تم نغطسوها فالشكلاط ونحطوها فوق بلاستيكة تنشف ونزوقوها بخطوط شكلاط بنية اللون شكلاط اسود + ابيض مخلطين.