اليوم2014-07-21 في حديث ومغزل مع سناء الزعيم كان معانا الدكتور عماد ميزاب الدكتور في الصيدلة و الأخصائي في التداوي بالأعشاب و قدم لينا مجموعة من الوصفات الطبيعية وهذه البعض منها :
✗ وصفة للأعصاب و التوثر : معلقة كبيرة من النعناع الصوفي و معلقة صغيرة من اللويزة و نضيفو ليهم كأس كبير من الماء المغلى و نتناولو كأس 2 المرات في اليوم .
✗ التعرق المفرط : معلقة كبيرة من الريحان ، معلقة كبيرة من النعناع و معلقة كبيرة من الكرافس ، نغليوهم في 1 لتر من الماء و نتناولو كأس كبير .
✗ وصفة لازالة الرائحة : معلقة صغيرة من المسكة الحرة ، معلقة صغيرة من الزعتر مطحون و ندهنو بهم .
✗ وصفة لمشاكل اللثة : معلقة كبيرة من قشور الرمان مطحون ، معلقة صغيرة من الخزامى و 5 العويدات ديال القرنفل نغليوهم في نصف لتر من الماء و نشللو بهاد المحلول اللثة .
✗ حساسية البشرة : معلقة كبيرة من التفاح محكوك و معلقة كبيرة من اللوز الحلو و ندهنو بهم مدة 5 ساعات و نغسلوه.
✗ التهاب العضلات : كافورة بلدية ، كأس صغير من الزيتون و 4 شعيرات من الزعفران الحر ، نسخنو الكل في حمام مريم و نخليوه 12 ساعة ثم نديرو بها مساج .
✗ اتساع المسام : بيضة بلدية ، 2 معالق كبار من الياغورت الطبيعي و معلقة كبيرة من العسل الحر و ندهنو بهم مدة 40 دقيقة 2 المرات في الأسبوع مدة 3 أشهر .
✗ تشقق الأقدام : 2 معالق كبار من زيت الكوكو ، معلقة كبيرة من الورد مطحون و معلقة صغيرة من زيت نوار الشمس و نسخنو الكل في حمام مريم و نخليوهم يبردو ثم ندهنو بهم الأقدام .
✗ تساقط الشعر : معلقة كبيرة من الزعتر و 2 معالق كبار من الأزير نغليوهم في 1 لتر من الماء ثم نبداو نرشو بهاد المحلول بعد غسل الشعر.
0 التعليقات: